رن جوآلكِ برقم غريب . . . .

من طرف **(جلكسية)** الخميس 16 فبراير 2012, 4:48 am

السلام عليكم ورحمة الله وبركاته

[يرن جوال ساره]

ألو..

هلا.. هذا جوال ساره (صوت ذكوري ماتعرفه)

لا غلطان...
طيب نوره....
:: طوط :: تقطع الخط بوجهه

((جاب اسمي مجرد صدفه!! ،، او لان الجوال باسمي!!
،، يمكن يعرفني ،، اذا دق مره ثانيه بتصرف ))

[دانه جالسه بالصاله مع اهلها]
يرن الجوال برقم غريب

خذ يا أحمد _ أخوها الاكبر_ رد على جوالي رقم ماعرفه،،
الو.....
هلا....

فيه أحد داق على جوالي!!

يغطي أحمد السماعه بيده ،، دانه انتي داقه عليه!!!!

لا والله مادقيت!! ولا بالغلط حتى

((جوال دانه استقبال!!!!))

يعود للمكالمه
هلا متى دقينا على جوالك
...........
ما شالله والساعه ست ونص!!

................

لا محد داق يالنصاب ياللي فيك و فيك

يا............ تلعب على توبيكات . مسابقات . مكياج . برامج . طبخ . فساتين" >العاب . توبيكات . مسابقات . مكياج . برامج . طبخ . فساتين" >بنات الناس
فيك خير تعال قابلني

الله ياخذ....الله.......

ويسكر أحمد ودمه يغلي ويبدأ يحقق ********

كم مره دق!؟

قد دق عليك أحد غيره!!
((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!))

[سديم في السنه الثانيه الجامعيه]

دق جوالها برقم غريب تطالعه بريبه أرد والا ما ارد،،
هلا..

هلا قلبي.

قلبك مين ياقليل الادب يالي ماتستحي يالي.. يالي.. الخ،،
....أموت عـ المعصبين أنا....
كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام
::: طوط :: تقطع الخط بوجهه

رجع دق عليها بوقت متأخر من الليل

أهلين
انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف ربك!!

<< يدخل ابوها بعد ماسمع صراخها>>

( اقفلت الخط خلسه)

من تكلمين؟!

وحده من صديقاتي!!

نامي يابنيتي ولا تكلمين باخر الليل

يقطع كلامه صوت جوالها يرن

اخذ ابوها الجوال:

هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .

((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه

ومن كل شي لين يجيها عريس الغفله!!!))

[جوال سميه دايم سبيل]

مره بالصاله يلعبون فيه اخوانها،، ومره تاخذه اختها تصور،، ومره،، ومره ،،

نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت

.......
الو.. الو.. ( صوت ذكوري لم تألفه )
............................
هيه ردو.. أكلم صنم انا !!
.............
وترمي الجوال على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..

وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقره وكثره الهرج،، وشوله اقول لابوي، واخوي،اخسّر الي يدقوابرد حرتي فيه!))

بعـــــــــد فتره

يرسل لها اسماء اخوانها والعائله كامله،، حتى اسم شغالتهم!))

ساره / دانه / سديم / سميه / حصه / منيره .. وكل البنات!

يومياً بتصير لنا متل هـ المواقف !

أخواني "أخواتي

في مثل هـ المواقف..

برأيكـ /ي ماهو التصرف السليم ؟

ترد؟ تحقر ؟ تعطي ابوها او اخوها

ماهو ردّ فعل ( الاخ / الاب ) في مثل هـ المواقف ؟

لو اتصل أحد يعرفكـ بالاسم ماذا ستفعلين ؟

انت كرجل ماذا تنصح الفتاه ان تفعل لتفادي مثل هذه المشاكل؟

من خلال تجاربكم في الحياه وللاستفاده ماهو الاسلوب الامثل

لحل هذه المشكله

ننتظر إجابة أدم وإفادته..
شكرااا على الطرح

من طرف **نور جعلان** الأحد 26 فبراير 2012, 11:34 pm

السلام عليكم
فعلا مواقف كثيرة وتتكرر بشكل دائم
مضايقات مشاكل انتزاع ثقة الأهل في البنت والكثير الكثير
وسبب يعود الى بعض الأشخاص الذين ليس لهم
هدف غير التسلية وإزعاج الناس وإضرام الفتن
لابد ان نعي نحن أولياء الأمور أخوة كنا او أباء او أزواج
من هذي المشاكل التي لا حصر لها فهناك من السهل ان يتعرف
الشخص على صاحبة الرقم
ليس ضروريا ان تكون هي من أعطته الاسم
ففي احد الايام تعطل هاتفي ولم يكن عندي مبلغ كافي لشراء هاتف جديد
فذهبت الى احد المحلات لبيع الهواتف المستعملة لشراء هاتف مستعمل
وعندما قمت بفتح الهاتف وجت ارقام بنات وأسمائهن ورسائلهن
مما يتيح لي ان اعرف الكثير من شخصية الفتاه
فقمت بحثف كل شي في الهاتف من رسائل واسما مخزنة
بطريقة إعادة التهيئة
وأيضا هناك طرق أخرا مماثلة
فأفضل طريقة لتجنب مثل هذي المضايقات ان يقوم ولي المر
بنصح البنت وإرشادها بتجنب الأشخاص المزعجين
فافضل طريقه هي تجاهل الارقام الغريبة
لا ترد على اتصالاتهم ولا على رسائلهم ولا تقفل الهاتف ولا تغلق المكالمة
هذا من وجهت نظري