((ارحم حبي))قصه كويتيه رومنسيه رووووووووعه

((ارحم حبي))قصه كويتيه رومنسيه رووووووووعه
قصة صراع قوي مع الحب والتجاهل والغرور والكبرياءو........
....................

منال:صباح الخير يبه.....ابوفهد(ابوها)هلا يبه
صباح النور ها مبجره اليوم قلتي ان محاضراتج خلصت
منال:سلامتك بس باخذ جدول امتحاناتي و انظم جدولي للكورس
الياي
ابوها:الله يوفقج يبه.......منالم:اصب لك جاي وياي؟
ابو فهد:لا يبه انا خلصت الحمدلله..منال:يووووه يعني بتريق بروحي
ابوفهد:ودي ياعمري اقعد معاج شوي بس عندي اجتماع باجي له اقل
ساعه ويادوب الحق عليه......منال:لا يبه روح الله وياك
بوفهد:لا خلا ولاعدم من فهد والله اني فاقده وحاس اني متلعوز بدونه
حتى الشغل مالي خلقه وحاس اني ماعرف شي
منال:اي والله هالمره طول بسفرته....بوفهد:الله يعينه يايبه اللي يسمع الحين تقولين سفرته على باله ان المسكين رايح يرفه عن نفسه بعد عمري
اهو شغل في شغل حتى اعمالنا خارج الديره اهو متكفل فيها ناسي نفسه هالولد ماعاش سنه مثل غيره..........

منال:بينها وبين نفسها:ايه والله ان الوالد على نيته وانت شدراك الحين ان فهد كاد نفسه ياحليلك يايبه مصدق ان فهد كاد نفسه لهدرجه بالشغل

بوفهد:شعندج تحاجين نفسج؟....منال:لا سلامتك يبه قاعد اقول الله يعينه فهد لاهي بالشغل بس مع هذا اهو بالمقام الاول قاعد يفيد نفسه يعني حلالك ولا حلاله كله واحد


معاج حق يبه بس ماكان ودي ان فهد يهمل نفسه لهدرجه انتي تدرين انه انسان ناجح
درس واجتهد عشان يتخصص في مجال يحبه ويكرس نفسه له وتغرب عشان يدرس هالمجال بس ليما كلمته وقتله اني ابيه يكون معاي ويشيل عني لو حمل خفيف من الاعمال نسى حتى حلم عمره اللي كان يتمناه واهو صغير

منال:شدعوه يبه اللي يسمعك يقول انك جبرت اخوي فهد على شي اهو مايبيه انت
ماطلبت منه انه يترك حلمه انت ماطلبت الا كل طلب يطلبه الاب ليما يشوف ولده كبر
انه يكون معاه

بوفهد:مادري ياحبيبتي انتي دااايم كلامج يريحني بس صدقيني يايبه اني مابي احرم احدكم من شي اهو يبيه لان ماعندي غيركم وبنفس الوقت مابي اخليكم عقب عيني تايهين ماتعرفون تديرون حلالكم لان كل ما املك لكم

منال:يوووووه يبه ماحب تتكلم جذي الله يخليك لنا ويمد في عمرك بعدين انت توك صغير اللي يشوفني معاك يقول .ايه يقول هذي اخته لا والعوده بعد

ضحك بوفهد:الله يخليج اختي عاد جذي تغريني بالزواج وبعدين بجيبلج مرة ابو وانتي بتاكلينها

منال:لا متطمنه ماسويتها وانت شباب واحنا محتاجين ام تسويها الحين ليما....
وسكتت منال

بوفهد:كملي ليما كبرت ها انتي توج تقولين اني صغير اه منج

منال:لا حبيبي اذا تبي تتزوج لا انت مو صغير اصلا الناس لي شافوني معاك يقولون هذا اكيد ابوها العود

زين يامنول انتي الواحد ماياخذ منج لا حق ولا باطل..

منال:حبيبي انت تدري اني اتغشمر معاك انا من عندي غيرك اتغشم معاه
ضحك ابوها وقال:انا بروح الحين الاصج قبل لا انسى علوي شخلارها وي الدراسه

منال:ماينخاف عليها ام قلبين هذي صدقني يتصكنا بنسبه حددددها قويه

الله يوفقها لا تقولين جذي عن بنت عمج الله يوفقها سلميلي عليها وشوفي لي اذا
محتاجه شي مدرسين او مراجعات لا تقصر على نفسها وانا اعرفها تستحي قولي لها هذا حلالج مو منه مني الله يوفقها ةتدير حلالهابنفسها وبحريتها عشان ارتاح

منال:انشا الله يبه مع ان عمرها مافكرت ان لها حلال عندنا وارح يجي يوم وتستقل فيه عنا اصلا اهي واثقه فينا

بوفهد:يبه هذا حلالها واحنا مالنا فضل عليها هذا نصيب اخوي راشد رحمة الله عليه
وعقب عينه اهي وامها احق فيه من غيرها

منال:ال امها ونعم المره لو وحده غيرها جان استخفت بعد وفاة عمي بالفلوس ورفضت ان تسلمنا نصيبها ونصيب بنتها

يايبه احنا ماخذناه منها احنا نديره لها اهي وبنتها واهي وعاليه لها نصيبها حالها حالنا
انا وعمامج وعمتج لان هذا كله حلال الوالد الله يرحمه عليه احنا طلعنا عالدنيا وماحتجنا شي بسلامة ابوي وجدي واذا انتي تشوفين هالخير شلون يتوسع ويكثريوم عن يوم
فهذا خير من الله لاننا نمشي حسب مايرضيه والحين كافي سوالف تاخرت عالاجتماع

منال:اصلا لعلمك انت اللي اخرتني

بوفهد:يعني جذي.زين فمان الله

منال:فمان الله يالغالي
............................
تعريف بالشخصيات
ابوفهد (بندر الراهي)اولاده منال عمرها 22 سنه 4جامعه تخصص اعلام وفهد
27سنه درس المحاماه في بريطانيا كان مهوووووووووس فيها بالصغر بس لقى ان الشغل مع ابوه ومساعدته تستاهل ان يضحي بحلم عمره لانه كان مفكر انه يفتح مكتب محاماه وكان يحلم باليوم اللي يشوف اسمه بالجرايد بس ماعطى للموضوع اهميه كثر ماهتم بالشركات والشغل مع ابوه فهد شخصيته صارمه شكله طويل ابيض جسمه رياضي حدددددده وشعره اسود يحب يطوله شوي عيونه سود حلووووووووه جذااااب ووسيييييم بطريقه ملفته للنظر ولبسه كله بدل واكثرها رسميه طبيعة شغله وكل البنات اللي يشوفونه يتحطمون فيه واهو ولا عندهم بس............
منال مرحه بس علاقتها مع فهد جديه شوي اهو فرض عليها هالشي تاخذ راحتها مع ابوها اكثر بزفهد عنده ثلاث اخوان واخت وحده اكبر اخوانه بوجراح(سالم)واهو متوفي عنده بنت وولد يدرسون بالخارج وهالسنه اخر سنه لهم واخوه غانم موجود واهو بالشركه وياه بالشركه لانها اصلا ملك لهم كلهم اهم من اكبر العوايل بالكويت يملكون
اكبر ثلاث شركات للمقاولات بالكويت غير الاراضي والعماير لانهم من اقدم العوايل بالديره كونت نفسها بنفسها وغانم متزوج وعنده (احمد وعبير وغدير)عبير عمرها 25سنه متزوجه وغدير 23 سنه بالجامعه كله تسقط ماتحب الدراسه واحمد بثالث ثانوي عمره 17وراشد اخوه الصغير اكثر واحد كان بوفهد متعلق فيه ايام شبابهم راشد ايام شبابه كان يحب السفر وكله مشاكل مع اخوانه اللي اكبر منه سالم وغانم لانه ماكان متزن ومايحب المسؤليه بس بندر كان يحبه لانه قريب من سنه راشد تزوج وحده لبنانيه عن قصة حب قوووويه وتزوجها وعاش معاها سنه بدون مايدرون اهله انه متزوج بعدين جابها الديره واخوانه عارضوه على هالزواج يعني مايصير ياخذ غريبه لبنانيه شبيقولون الناس
بس اهو رفض انه يطلقها وحصلت خلافات واطردوه واهو رد وياها وعاش بلبنان بعدها توفى واهي حامل ليما درو هله رفضو انه ياوون زوجته عندهم الا ان بندر عارضهم اهو واخته منيره لانهم درو ان المره حامل وقالهم حزتها(ان المرحوم ماتهنى بحياته ولا تمتع بخير ابوه ونصيبه وراشد محد راح ياخذ حلاله ويمد يده عليه لان مرته وولده اللي ياي بالطريق اهما احق فيه) بعدين جت مرته للديره وللدت بنت اسمها عاليه احلى من القمر عمرها 18 سنه اخر سنه لها حللللللللللللللللوه وعذااااااااااااااب
بيضا شعرها اسود طويل لون عيونها ازرق نيلي مثل امها ورموشها طويله وعليها جسم خيالي الكل مهووووس فيها واه من النوع المندفع والواضح مع ان كل اللي يشوفها ماتروح صورتها من باله الا ان في بالها صوره وحده تتمنى انها تكون في باله بعد
اختهم(منيره)عندها ولد اسمه خالد واهوقريب من فهد بس يختلف عن شخصيته عمره
26 ويدير حلال امه بالشركه وي خواله ليش ان ابوه متوفي

اتمنى ماكون طولت عليكم بس هذا المقدمه وتعريف بالشخصيات الياي احلى بكثيييييييييييييييييييير