أهداااااااء خاص

قالوا مريض وقلت فيني ولا فيه
ياعزة الله كيف ذاك المرض جاه

كيف الألم يدمي فواده ويدميـه
ليت الألم ياناس شخص اترجاه

برجيه رجوة بخير حالـه يخليـه
وان كان وده علتي قلت محلاه

لاجله بشيل العوق عنّه واراعيه
واصير من بد الخلايق أنا دواه

لانه عضيد الروح والقلب يغليه
ما ودي انه لحظةِ يشكـي الآه

لو كان بيدي في عيوني أداريـه
واتشيله اجفوني وتغمض وتنساه

ياذا المرض عجل دخيلك تعديه
خل التعب لا يهد حيله ويصلاه

ماجور يامن بالنواظر نساويـه
يالله عسى من الشر يسلم محياه

ضامي الشوق

السلام عليكم ورحمة الله
الله يشفيه ويعافيه من كل باس
ابيات جميله علها تصل الى من اهدئت
له القصيدة ويتغلب على ما لم به

وعليكم السلام ورحمة الله وبركاته

يخليك ربي ابو معاذ ولا تشوف مكروه بغالي يسلملي مرورك العطر
تحياتي لك أخي