الأمـــــاني والأحـــلام

الـسلام عليــــكم ورحمـــة الــلــه وبركـــاته

قصــــيدتي الجـــديدة وعسى أن تنــــال الإعجاب


الأمـــــاني والأحــــــلام

الحـــلم لازم نالتفــق أنـــه يصيــــر ومــا يصــير
وان المعــــادن غاليـــة لكن أحلاهــا الذهب

وان الأمـــاني لو تكـــون فداخلك مثــل العصيـــر
مــا غيّرت فالدفــــتر اللــي ربــنا الواحــد كتب

الليـــل يفرش كل ما يمـــلك من الظــلمة حصيــر
وانا حـــماســي يبتدي في وحشــة الليــل الصخب

ولا قام يبرك في ضلوعي كانه بروك البعيــر
شبّيـــتله من دمــي الأحمــر ملاييــن الحطــب

يومين مــا زرت المنام وكل ما جاني يسيــر
وعلى الرغـــم من ذا السهــاد الوجه ما عمره شحــب

الفاتنــنة ياللي اكسرت جنحان قلبي عن يطيــر
يا سارقتني كل ما فيــني من يدينـــك نهب

يــا شامخة مثل الأميرة حضني الواسع أميــر
يا جـــامعة كل المحاسن والمفاتـــن والرتب

طـــارت ونا في شهقتي ودّعت بالفرقا الزفير
وموس الفراق اللي ذبحني بين ضلعـــاني نشب

ولاّ الصّديق ليا سهرت أفكره جنبي سهيـــر
مـــا فكّره بيزيـــد أحزاني من بعـــاده لهــب

مــــا قول كان فداخـــلي مثل الهوى مثل العبير
لكن كان فداخلي مثل الفـــرح مثل الطرب

الواقع اللي لازم نسايـــره ونصانـــع كثيــر
يا كاظمين الغيض ولا يا مهدّيــن الغضــب

والمســـلم اللي دوووم يحــلم أنّــه يصيـــر الأميــر
لا يندهش لــو فات عمــره بين جمّيـــع الحــطب

الحـــلم لازم نالتفــق أنـــه يصيــــر ومــا يصــير
وان المعــــادن غاليـــة لكن أحلاهــا الذهب

وان الأمـــاني لو تكـــون فداخلك مثــل العصيـــر
مــا غيّرت فالدفــــتر اللــي ربــنا الواحــد كتب

ما غيّرت فالدفتـــر اللّي ربنــا الواحــد كتــب

مشكور اخوي على الطرح المميز

يسلمو
كلمات تفوح بالمشاعر الراقيه
بارك الله فيك