زعلان .. لكن عارف اشلون اراضيك

من طرف **(جلكسية)** الخميس 29 مارس 2012, 1:15 am

¤ زعلان، لكن عارف شلون أراضيك.؛. ماحد غيري يعرف بطبع خلي
¤ من نظرتك من هيئتك من تغليك.؛. أقرا ملامح ضيقتك لا تقلي..

¤ أدري علي زعلان، لكن أوريك.؛. وشلون ترضى يابعد كل من لي..

¤ ملح الحياة إني أضمك واخليك.؛. وش هي الحياة دون جد وتسلي؟..

¤ ساعات لي خاطر أجيبك وأوديك.؛. وارفع حرارة حبنا بالتغلي..

¤ وأقول: مااحبك، ومابيك، مابيك.؛. عشان أغيظك بس و"أفش غلي"..

¤ والا الحقيقة إني أهواك وأغليك.؛. ومحبتي لك ما بعدها تخلي..

¤ وودي أحطك وسط عيني واغطيك.؛. عشان ماتبعد عن العين "ملي"..

¤ زعلان مني؟ كل كلي يراضيك.؛. ماحد غيري يعرف بطبع خلي..

¤ ياالله ابتسم..ياالله ذبحني تغليك.؛. يكفي حبيبي "مد بوز" وتغلي..