هل كلام الناس له كل هذا التأثير ////موضوع للنقاش ///

هل كلام الناس له كل هذا التأثير ////موضوع للنقاش ///
السلام عليكم ورحمه الله وبركاته

كيف الحال ان شاء الله الجميع تمام

كما هوا واضح من عنوان الموضوع

هل صحيح كلام الناس له تأثير على الشخص نفسه


انا بضرب لكم كم مثال كذا واريد رايكم في الموضوع

الموضوع / للنقاش بعيد عن السوالف الجانبيه والتخميس ....



مثال اول / واحد راح يخطب بنت ولما سأل الناس عنه قالو له كلام ممكن ما يخص الشخص او انه كله تحريف او انه كلام ممكن غلط في حق الشخص

هنا الحين اكيد اهل البنت ما راح يوافقو على الشخص لانه سمعو كلام عنه !!!

* في هذي الحاله / ما تأثير هذا الكلام على الشخص ؟؟؟

مثال ثاني / واحد حب يشتغل مكان ودخل في مكان ثاني عشان يشتغل وقالو عنه كلام ما زين او شوهو سمعته

الحين كيف هذا الشخص بيشتغل اذا الجماعه الي يشتغل عنهم قالو عنه كلام غلط

* ما تأثير هذا على الشخص نفسه والكلام كله غلط في غلط ؟؟؟

مثال ثالث / قالو ولد فلان ترا سمعنا عنه انه مسجون ؟؟؟
مثال رابع / بنت فلان تشتغل لحد الليل ؟؟؟
مثال خامس / ترا هذا الولد او البنت كان له سوابق يعني لا تقربو منه ؟؟؟

ما تأثير كل ها الكلام على المجتمع خاصه مجتمعناااا

واحنا عندنا عاده صراحه اشوفها غريبه يتكلمو في الناس بشكل كبير

طبعا لا ننسى انه اكثر فئه من المجتمع من النساء في تناقل الاحاديث شي منها صح وشي منها غلط

والشباب عندهم ترا هذي البنت كذا و كذا والعياذ بالله

خلونا نتناقش لو واحد منكم في هذا الموقف يا ترى ما هوا التصرف ؟؟؟

كيف تدافع عن نفسك ؟؟؟

هل تستطيع اسكات كل الناس ؟؟؟

واذا الكلام اثر على الناس ما ذنبك انت ؟؟؟

ما هوا الحل برائيكم في هذي الظاهره ؟؟؟


ومتى نسمع انه الناس تستر على نفسها ؟؟؟

كيف نحمي نفسنا من هذي الظاهره الي صارت منتشره كثير ؟؟؟

يا ترى نسكت ونسلم امرنا لربنا ؟؟؟

او ندافع عن نفسنا واذا ندافع شو نسوي ؟؟؟

صراحه مجتمعنااا يتنااقل الكلام ولا يدري عن صحته وفئه كثير تحب نشر هذي الاكاذيب كيف نتعامل معا هذي الفئه ؟؟؟

هل مجتمعنا يأكل نفسه بنفسه في هذا الكلام ؟؟؟

يعني الناس ما تتغير يعني مثلا واحد مثلا كان له ماضي ما حلو وبعدها تغير للاحسن ليش المجتمع لمن حد يسألهم يقول ترا هذا ماضيه ما زين ليش كل ها الكلام ؟؟؟

هل هوا حقد ام حبا في تشويه سمعه الناس ؟؟؟


اترك لكم النقاش ...

شكرااا على الموضوع..
ينقل لقسمه المناسب ليلاقي تفاعل الأعضاء
تقديري

شكرا على الطرح